Cricket is in de air and dem boys love a good cricket match. When de match done dem does talk about de sound of ball on willow and who stop which boundary and things like that.Last night was a different tune. Dem boys coulda barely talk about de game and who score what and who win. Was de Digicel girls. Long time people use to mek dem own entertainment at cricket matches. Dem use to mek noise and dem use to paint up a man and give he an air gun.Now-a-days dem done wid de paint up man and he pump gun. Dem have gyals who dancing whole match and dem dancing sweet to no music. Dem don’t need music and dem skirt more short than a baby dribbling bib.Well last night dem boys go to this match at de stadium and right away dem mind flash to Food for de Poor. All dem gyal got good ration. That is wha dem boys seh. Dem gyal moving without moving and dem kicking dem foot high.That is wha tek dem boys away from de match till one of dem ain’t even sure who was batting. Dem gyal grab all de attention.Well that is wha mek dem boys seh that de food was there,Wholesale NFL Jerseys, but from de look of things it was not available.But is more than Food for de Poor. Digicel gun sell more phone and dem gyal will not move wid anybody unless dem have a phone that is a Digicel phone.But wha dem boys see was that all of dem had a GT&T phone because when dem boys dial 616—dem see one of dem stop dancing and answer. Another answer to 645—-Talk half. Lef half.