When a Minister or a big one go out to meet people de people does greet dem with garlands. Dem had one wid ants that dem put round a certain Minister. That shoulda send a message but de Minister go back and nearly get another dose. Is a old lady save he.However,Jerseys Wholesale, is a tradition to give out awards and dem boys notice that de government stop awarding people. Dem use to announce de names in May,Wholesale Jerseys, and mek de day when democracy come back de day for presenting de awards. Well de awards stop and dem boys want to know if democracy gone.Well dem boys bringing back de awards. Dem awarding an MS to Fip—Most Scampish; dem giving AA to C.N.—Always Acting; de CCH going to Brian and Gerry—Collecting Cheese and Hiding (from friends).De other awards gun come when de people submit de nominations. But dem have more than nominations. Dem have to award some other people fuh putting people in trouble. A man see a vehicle park on de road and he try to go inside because he see something that he like. He woulda tek it and de driver woulda get blame.He get two cuff and he claim how he is an honest man; that he apply fuh visa and de only reason he in Guyana is because he ain’t get no reply.And dem boys notice that dem have big confusion in dem schools. De Ministry want to test de children fuh HIV. De children want dem fuh test de teachers.Talk half. Lef half.