De government in trouble again. Dem boys seh that it picking fight wid a lot of people because other people picking fight wid it.Last week some gunmen decide to pick fight wid de police and shoot up de Brickdam Police Station. Then dem go to bun down de High Court. Then dem go to bun down Richard Ishmael Secondary School.Of course dem boys seh that de government get vex because it would mean finding contractors and already dem have people who know that most of de contractors scampish and that dem does try to rob de government.One man seh that dem have people in de government who does encourage de scampishness because dem does get a bright small piece by way of a drawback Anyhow,Wholesale NHL Jerseys, Bharrat get vex because he call de gunmen criminals.Well he decide to fight back. Dem seh that he arm all he Minister wid hammer till Shaik already use he own pun de Softball Association. Yesterday Robeson decide to use he own pun de GPSU.Sam already use he own. He dig some lash pun a desk in he office because de draw was stiff.But is Robeson who mekking maximum use of de hammer. Dem boys does call he de demolition man. Is only a matter of time before he demolish de Office of de President.De man send a crew to demolish City Hall when de garbage pile get too big. Hammy hurry up and pay dem garbage truck. By now de city council land woulda been up for sale. Everything that get demolish does end up pun sale.Dem boys seh that on Sunday dem looking fuh de Ministerial march. Is everybody coming out wid dem hammer in dem right hand shouting demolish or perish.Talk half. Lef half.