Bharrat come home Saturday night and dem boys see security like never before. All dem street corner block off and police who been home sleeping had to come out and stand up to block traffic.Wha got dem boys surprise was de fact that dem put up security. When Bharrat was leaving de country he didn’t tell nobody. Was a secret suh dem didn’t even put up security.Why when he come back people expect others to know. That an all was a secret anyhow. People only know when dem see de police.Now dem boys want to know if fuh all de time Bharrat was president and nobody ain’t hurt he why people gun want to hurt he now. And in any case wid all de security and de speed what de car does travel wid is only drunk driver he got to worry about.Now if the country got to hold a motorcade fuh he then he can’t travel in an open car.And dem boys notice that a certain guard service boss begging fuh money. He claim how he does feed 1,NFL Jerseys From China,500 people a week.If he can’t pay he guards properly how come he can feed people? That is wha dem boys want to know. And he begging.Talk half. Lef half.