Is one hundred years since people start flying in Guyana and since then dem flying like if dem born wid wings. De first plane in Guyana coulda barely stay up now dem plane doing all kind of things in de air. Sunday some Brazilians come and put on a show wid some plane that had people holding dem breath.Dem pilot stall de plane and got it falling and got people wondering if it gun start back or if it gun crash; dem tek dem same plane and write in de sky; dem fly in some fancy formation. In short,Cheap Jerseys Supply, dem treat dem plane like if dem born wid plane pun dem body.De people stand up pun de ground and holler. When it done dem seh that was a good show. And was indeed a good show. Is only one man vex. Was Khurshid. He claim that coulda mek nuff money. He coulda charge VAT fuh everybody who see de show.Then he coulda charge de Brazilians fuh putting on a show because everybody who got a show in Guyana got to pay VAT but because de government bring de Brazilians dem had a free system. But Khurshid didn’t buy that.He tell dem boys how he couldn’t collect VAAT from Jagdeo because he was President and Jagdeo bring in more stuff than some wholesale dealers. He can’t collect VAT from Donald because he don’t bring in nutten. That is why? he had he eyes pun dem Brazilians.Dem boys seh that he should try fuh collect VAT from Barbie because he shoulda been paying VAT and taxes from de beginning. But then again Jagdeo tell Barbie that he ain’t got to pay any tax. That is why Khurshid vex.But dem boys seh that he gun get a chance when dem get de Phagwah ceremony at de Stadium. He can try fuh collect form all who going. But then again he don’t go. He does send people suh he might got to pay more in hospital bill.Talk half and watch how you paying de taxes.