Barrels does come two time a year; when is Christmas when up north get cold and now when up north start fuh get warm.Of course de barrel does done pack since November or December but is now it coming.By Easter,Cheap Stitched Jerseys, all of a sudden dem boys gun see gyal in some style. And is that does cause dem fuh push dem hand in de pocket because dem like fancy woman. Of course dem men who playing women gun also be wearing things that come from de barrel and dem gun be trying to look fancy.Dem boys seh that de other day dem get a shock when dem talk to a woman and is only when dem look under de neck that dem realize that was a man in woman’s clothing.But de courts can’t charge such people fuh false pretence.If that was de case Kwame couldn’t get wuk. Dem boys seh that he pretending to be a spokesman fuh Bharrat and Office of de President when in fact he should a spokesperson. That is de case when de sex of de person is unsure.And dem boys seh that this same thing got people picking on Kwame.A woman chuck he de other day just because de poor man wasn’t in he car. He woulda knock she down.And dem boys seh that he didn’t have he gun because he woulda shoot she just like how he shoot bird from he window.Talk half. Lef half.
