Dem boys get really nervous de other night. Was sentencing time fuh de American lawyer who defend Roger Khan and one of de men who coulda send Roger to jail fuh de rest of he life.Roger tek de best way out and he plead guilty. Simels deny till he tun blue but in de end he get 14 years. Roger did done get 15 suh dem boys now counting de time. Nuff people gun be very old or dead when de two men come out.But is de politicians who had de last say. Dem now claiming how some of de government people gun go to jail because dem sure that some of dem in American jail talk. Dem point to how much time de sentencing postpone. Dem claim that every time de sentence postpone is because de person giving new and fresh information.Well is only time gun tell. Dem boys deh in Guyana and dem know everything that happening in de States. Is like if dem got cameras and microphone in de court and dem calling de shots. Then dem have de set of people who like thief from de government. Dem wondering if anger really high and de people in de government gun pick pun dem and mek dem an example like how de judge mek a millionaire lawyer an example.And Sharief claim how this column boring,Cheap Nike NFL Jerseys, how he don’t read it. Dem boys seh that de only time he don’t read it is when he lose he spectacles because he can’t see further than he nose. Talk half. Lef half