In old days people use to sell anything. Is not that people still don’t sell anything. People even selling scrap iron and plant pot that dem thief.Dem boys had to come to de conclusion that de whole country done get sell out at de rate both de small man and de big man selling de country. Dem boys seh is just like de time when some man sell City Hall or like when Dr Crime sell Public Buildings,Cheap Jerseys From China, not one time but two times.De magnificent Seven buy out Guyana. If anybody see a house that stand up and look empty know that it sell. Big piece of land that was once reserve done sell out. Even Lumumba buy and then sell. Dem boys want to know if he join de band of sellers.Dem seh that if he did hold on to de property he woulda been one of de famous land holders in de country. He woulda have real assets.De foreigners coming. Dem already buy de biggest hotel in de country and open a casino. Another set coming fuh build a big hotel and open a casino. But is de Magnificent Seven. Some of dem own big piece of de country and dem preparing to sell.Who is de Magnificent Seven? Dem boys seh that anybody who name dem gun get one year supply of de Waterfalls paper,Cheap Jerseys From China, free and a trip to de States—visa included. All dem have to do is send in de names to de Waterfalls Boss Man. Confidentiality is provided but de names submitted will be published.Talk half. Lef half.