When Papa Cheddi come to power he had a problem wid people who was getting big salary. He call it super salary. He knock off a man from de electricity company because de man was wukking fuh $142,Cheap Jerseys China,000 a month.If he was alive today he woulda dead from shock because de people he lef call a man from overseas and pay he $20 million a year. Dem paying another one $36 million a year and these people come from foreign.But dem boys seh that when whores and thieves fall out is big trouble. De man who was getting $20 million a month decide that he gun talk bout de shady things that he paymasters does do.But he talk too soon suh he paymasters talk how he forge he qualification. Dem boys want fuh know how a government couldn’t check a man qualification. If was a Guyanese dem boys didn’t mind. But is a foreigner who claim that he know bout computer.Dem boys now want fuh know if anybody can walk off de street and tell dem something and get big dollars.It got to be that is stupid people sitting down in OP. It got to be a jackass parade. Is not that dem didn’t notice Kwame. Well dem boys going to look fuh wuk in that place.But is wheh that money coming from? Dem boys hear that nuff gift does share in OP. One man get six computer fuh he family and one decide that he gun buy a fancy thing fuh he gyal.Was a time when de lotto money was de big thing. Now dem have much more money till dem forget de lotto money. But is one thing. Dem can’t sleep when de night come because dem worried about people coming fuh tek it.Dem boys seh that is that mek Bharrat lashing out suh. He worried that some new government gun tek back all that money.Talk half. Lef half.