Some people got to be really mad. Some people going in de bush. De driver hurry suh he speeding. He see a turn but he don’t slow down. He got to be mad because he can’t see wha coming.When he ketch heself he deh flush in front a truck. He can’t stop. De next thing he know is that he crash. People dead. Nuff others injured. Dem in pain.De madness continue when another vehicle pass de accident scene. De people inside know that people dead but dem tek off wid speed. Dem come to a turn and dem too don’t slow downDem boys seh that it got to be madness because if a man see something and he ain’t learn then something wrang wid he.This one crash too. Then de driver gun talk bout how he mek a mistake. One man seh that de mistake he mek was to be born.Nuff people like that second driver. Dem don’t heed danger and dem don’t learn. Dem always jumping major road,Wholesale Jerseys, ignoring traffic light and don’t see pedestrian crossing. It got to be madness. That is wha dem boys seh.De police now got to put up traffic signs in de bush. Deer and jaguar and acouri gun have to be careful when dem crossing de road. Henry de Yellow already seh that he gun put pedestrian crossing in de bush.Dem boys seh that dem can understand because when some woman bruck dem does call Henry ‘dear’ when dem really deer.Talk half? and lef half.