This country good at throwing away money. Anybody who want money,Wholesale China Jerseys, once dem ain’t live in Guyana just got to line up. De government decide to scrap a stelling because these days is good to scrap everything. People don’t have to get a reason to scrap anything; dem just got to scrap suh de government scrap de Adventure Stelling.Dem spend plenty fuh build a new stelling but from de time dem weld de last bolt de stelling start to fall down. Dem throw more money and de stelling stand up a li’l bit. But dem smart. Before dem open de stelling wid show and glitter dem do de opening easy like if dem didn’t want people to know.Dem boys seh that when dem hear that de stelling open dem run to see how it wukking.Dem barely reach when a truck nearly end up in de river. De stelling break. Was confusion. People start fuh ask wha happen; de truck driver sit in the truck frighten that he gun fall in de river.Dem boys want fuh know if de authorities didn’t throw enough money in de stelling. Obeah people and pundits does throw copper and coins in de foundation of projects suh that money and goodwill does flow.Dem boys seh that de government didn’t pour enough money into de stelling.One man seh that it had to be that de authorities guh to pour money into de stelling but somebody had big pocket and de money fall inside. Dem ain’t calling name because these days since people miss is a lawsuit. Brian seh that is not he and Robeson seh that he don’t build.Dem boys want to know is who.Talk half. Lef half.