Something wrang wid de Amaila Falls road project. Everybody quiet. De project shoulda start already but nobody can’t wuk without tools.Then de equipment come and Fip get a tax break but since then de equipment deh same place. Is like if Fip got to get direction to find de place wheh he got to start de road.Dem boys seh that he waiting fuh people who know bout road building to start de project. Dem was to come since March but up to now dem can’t meet suh de whole project stall up and people still silent.People don’t build road in de rainy season and according to Fip rain falling suh he can’t start. Dem boys seh that in Fip book,Off White Vapormax For Sale, rain gun fall fuh de rest of de year.De thing is that when nobody talking de government does be happy because dem believe that people forget. Fip also glad. He getting a chance to drink beer wid de change he collect from de advance de government give he.Dem boys want to know wha he gun do when de change run out. One man suggest that he gun sell a grader.De good thing is that dem have people waiting in de slips to pick up de project and run wid it but de government ain’t moving in that direction because is a real problem to collect back any money from Fip.Talk half. Lef half.