Shame does mek people do nuff thing. At one time when dem calypsonian sing certain song bout de opposition de government use to play it pun de radio.Then de time come when dem same calypsonian start fuh sing bout de government dem had to hear de song first before dem play it. And was nice because in dem days all dem government Ministers use to go to de calypso competition.Well times change. De Ministers stop going and dem stop playing de tunes pun de radio because all dem calypsonians singing bout de truth and de government don’t want hear de truth.Dem boys seh that is one song dem wouldn’t play anyhow because de singer praise de boss man of de Waterfalls paper.Now that is only de tip of de iceberg because people talking bout other things. Fuh prove to Jagdeo that he know what he doing,
NFL Jerseys From China, Dr Leslie decide fuh crowd up de nursing college. He believe that de more people he train is de more people gun graduate. He forget that de more people you crowd in a class room is de less de people gun learn.He put 1000 students in a classroom. He had de same number of teachers and he know that de classroom can hold 50. Well dem boys did want to see how de things gun play out. De first year of de experiment people laugh.Dem train more than one hundred people and a less than twenty graduate. That was de first year. Doctor Leslie see how things gun change de next year. Dem had no change because de results was worse.This year is de worse of de lot because only 19 pass but more than 100 write de exam. People believe that dem who pass was dem who decide to tek nursing serious. All of dem who fail was people who want to look fancy fuh Doctor Leslie at first and Doctor Bheri.But old people always say that fancy gallop don’t win race.And fuh de records. Long time police use to rely pun de baton. Then young boys get fuh like guns suh every police want guns.De other day dem had career guidance and all dem school children who visit de police booth lef everything and visit de booth wid de baton.Talk half just study how times change.
