Two police go under cover till dem hide from demself. Dem lef de office as undercover cops and dem was driving in Albouystown when a gunman shoot at a car right behind dem.Dem boys believe that police can always protect dem but this was one set who couldn’t even protect demself. When dem hear de gunshot dem believe that was somebody been shooting at dem. Dem duck under de car seat.When dem realize that was de car behind dem one of dem couldn’t find he phone. De gunman walk past dem and dem ain’t even look in he direction. Dem was too deep under cover.Randy Persaud been under cover too. He was spying pun all who don’t like Bharrat and he come out in de open when Bharrat visit New York.Dem boys seh that dem Americans don’t like spies suh dem arrest Randy. When dem ask he what he name he tell dem Baron Randolph. He learn fuh lie at OHHH Peeee. He real name Randolph Baron Persaud. He tun round de name.Dem policemen smile because dem know after dem arrest he,Cheap Jerseys From China, before de night over he would tun round.He beg fuh a phone call and he reach Kwame. Right away Kwame tell Randy fuh tell de officials that he coming fuh serve any sentence. But he didn’t have a visa.Dem boys seh that Randy still walking funny after he come out of de lock-ups but he smiling all de time. Every time he see a policeman he mekking noise and wishing that dem arrest he again.He tun round in full. That is wha dem boys seh.Talk half. Lef half.