Every body got to get a contract these days. It start wid de government giving out contract to people who can’t even do de wuk. Some of dem ain’t got nutten to do de wuk but dem get contract.Well dem boys now recognise how some contract important. De government mekking sure that people sign contract fuh everything dem do. Imagine these days if a man going fuh some pleasure. Nuff woman does holler rape if something go wrang. Some of dem does carry a fella in dem house and when dem get ketch dem does holler rape. People does go to jail.Well dem boys read de new Act and dem get frighten. If dem barely touch and de woman get vex is rape and life imprisonment; if dem look too hard is trouble.Even dem wife can holler rape and dem ain’t got no excuse.Well dem boys gone to lawyer fuh draw up contracts. If dem want to have any sex dem got to mek de woman sign contract before anything happen.Dem boys seh that no matter wha happen dem ain’t tekking chance no more. Dem ain’t even glancing by some women because de Bill got a clause that deal wid looking.Dem boys tekking de thing so far that dem putting pillow between dem and dem wife and she got to sign a contract before anything can happen. Dem ain’t tekking chance.This leaves Guyana now in a shad,Cheap Jerseys Free Shipping, shad shish-u-ashunTalk half. Lef half.